Гори на Готен планина во Општина Василево

Веќе трет ден гори област над селото Нивичино, во Општина Василево на планината Готен. Од изутрината во гаснењето на пожарот се вклучи хеликоптер на МВР, а во текот на денот се очекува и доаѓањето на двата специјализирани ЕР-трактори на Дирекција за заштита и спасување. На овој дел гори нискостеблеста шума, во чие гаснење учествуваат пожарникарите од Струмица и Радовиш, како и вработените од Национални шуми.

„Во текот на денот напорите за гаснење ќе бидат засиелни со повеќе екипи. Во периодот кога ќе заврши хеликоптерот на МВР, ќе гаснат двата Ер-трактори. На терен се и доброволците од новоформираното ДПД Василево, кое со возилото ќе прави дотур на вода. Се приклучија и ловџии од Василево. Ќе имаме пешадија од над 60 луѓе“, изјави Кире Михаилов, заменик директор на ЈП Национални шуми.

Се работи за пожар со прилично голем опсег од над 5 километри линија на оган. Домовите не се загрозени, а како што рече Михаилов, добро е што во близина е браната Турија, па леталата имаат краток лет, по што водата брзо се истура на огнот.

Р. Л.

Сподели

Facebook
Twitter
Pinterest
LinkedIn

УПАТСТВО ЗА ПРИСТАП ДО АУДИО ЧИТАЧ НА ВЕБ ПРЕЛИСТУВАЧОТ MICROSOFT EDGE